နေပြည်တော်တွင်းရှိ မူလတန်းကျောင်း၆.၁၁.၂၀၁၂ က ဘောဂသိဒ္ဒိရပ်ကွက်ထဲမှာရှိတဲ့ အမက ကျောင်းလေးသို့ သွားရောက်စစ်ဆေးခဲ့ပါတယ်။ သူငယ်တန်းကနေ စတုတ္ထတန်းအထိ ငါးတန်းရှိပြီး ကျောင်းအုပ်ဆရာမကြီးအပါအဝင် ဆရာ၊ ဆရာမ စုစုပေါင်း သုံးဦးသာရှိပါတယ်။ စေတနာ့ဝန်ထမ်း သင်ပေးနေတဲ့ လစာမရရှိတဲ့ ကျောင်းဆရာမတဦးကို တွေ့ခဲ့ရတယ်။ ကလေးတွေအတွက် ကျောင်းစာသင်ခုံများ လုံလောက်မှု လုံးဝမရှိဘူး။ ဆရာ၊ ဆရာမအတွက် ထိုင်စရာခုံဆိုတာ ဝေလာဝေးပါပဲ။ သူငယ်တန်းကလေးတွေ အတွက် ကျောင်းစာသင်ခုံအဖြစ် ဘဲဥသေတ္တာအခွံက သစ်သားတွေကို စာသင်ခုံအဖြစ်ရိုက်ထားတာတွေ့ရတယ်။ တနှစ်ပတ်လုံးအတွက် အဲဒီ မူလတန်းကျောင်းလေးအတွက် အစိုးရက ချပေးတဲ့အသုံးစရိတ်ကတော့ ကျပ်ငွေ ငါးသောင်းတဲ့။ ဟန်ပြအဖြစ်နဲ့တော့ နွားနို့တခါတိုက်တာ သိခဲ့ရတယ်။ ဒါ့ကြောင့် နေပြည်တော်ထဲမှာရှိတဲ့ကျာင်းတွေကို လွှတ်တော်ကိုယ်စားလှယ်တွေ ဝင်ရောက်စစ်ဆေးခွင့်မပြုတာဖြစ်မှာပါ။
No comments:
Post a Comment