ဒီပုတ်ထဲကဒီပဲနှင့် ဟောဒီက အသုပ်စုံ

                                 

စာရေးသူတို့၏မြန်မာနိုင်ငံအောက်ပိုင်းဒေသဖြစ်သည့် ဧရာဝတီမြစ်ဝကျွန်းပေါ်ဒေသအား ဆန်စပါးပေါ ကြွယ်ဝသည့်အတွက် ဆန်အိုးကြီးဟုတင်စားခေါ်ဝေါ်သလိုမြေလတ်ပိုင်းဒေသနှင့် အထက် အညာဒေသ ၌ မြေပဲနှင့်နှမ်း အလျံပယ်ထွက်ရှိသည့်အတွက် ဆီအိုးကြီးဟု ခေါ်လေသည်။ ထို့ပြင် မြေလတ်ဒေသနှင့် အထက်အညာ ဒေသတို့၌ ဒေသတွင်းစားသုံးရန်အပြင် ခေတ်အဆက်ဆက်နိုင်ငံခြားသို့တင်ပို့ရောင်းချရသည့် ပဲအမျိုးမျိုးလည်း စားမကုန်အောင်ပေါပေါများများထွက်ရှိသည်။

ထိုသို့ထွက်ရှိသည့်ပဲများအား အညာဒေသ အခေါ် ပုတ်ကြီးများ အတွင်း ထည့်သွင်းသိုလှောင်ရောင်းဝယ်ကြသည်။ မိမိတို့၏အိမ်၌ စားသုံးလိုသည့်အခါ ပုတ်တွင်းမှယူပြီး ချက်ကြသည်။ ထိုအခါ ရာသီဥတုမမှန်သည့်ကာလ၌ ထွက်ရှိလာသည့်ပဲများသည် အားကောင်းမောင်းသန် လုံးပြည့်များမဟုတ်သည့်အတွက် စားသုံးရာ၌ အရသာမရှိချေ။ ပုတ်အတွင်းမှ မည်သည့်ပဲကို ချက်ချက် တခင်းတည်းမှ ထွက်ရှိသည့်ပဲဖြစ်သောကြောင့် အရသာမှာ ကောင်းလာ မည် မဟုတ်ပေ။ သို့အတွက်ကြောင့် မကောင်းသည့် ပဲများထည့်ထားသည့်ပုတ်အတွင်းမှ မည်သည့်ပဲကို ချက်ချက် မကောင်းသည့်အရသာကိုသာ ပေးမည်ဖြစ်သည့်အတွက် ရှေးလူကြီးများမှ မကောင်းသည့် အသိုင်းအဝန်းမှ ကြီးပြင်းလာသူမည်သူမဆိုသည် မကောင်းသည့် အကျင့်စရိုက်သာရှိမည်ဖြစ်ကြောင်းကို ‘ဒီပုတ်ထဲက ဒီပဲ’ အတူတူပါပဲဟု ဆိုလေသည်။

---------------------------------------------------------------------------------------------------------------------

စာရေးသူ ပညာသင်ကြားပေးခဲ့သည့်ရွေ့ပြောင်းကျောင်းတစ်ကျောင်းသို့ဘော်လံတီယာ ဆရာ များ နိုင်ငံပေါင်းစုံမှ လာရောက်ကြသည်။ ဆွီဒင်၊ နော်ဝေ၊ ဒိန်းမတ်၊ ပြင်သစ်၊ သြစတြေးလျ၊ အင်္ဂလန်၊ အမေရိကန် အပြင် အာရှမှ ကျောင်းသားများလည်း လာရောက်လည်ပတ်သူများက လည်ပတ်ကြသကဲ့သို့ ဆရာအဖြစ် သင်ကြား ပေးသူက သင်ကြားပေးကြသည်။ ထိုအခါ ထူးခြားချက်တစ်ခုအား စာရေးသူ သတိပြုမိသည်။ ယင်းမှာ စာရေးသူတို့က သူတို့ကို ၇တန်း၊ ၈တန်း၊ ၉တန်းနှင့် post ten ခေါ် နိုင်ငံခြား တက္ကသိုလ် တက်ရောက်ခွင့်ရ ရေးအတွက် ကြိုတင်ပြင်ဆင်ပေးသည့်အတန်းများ၌ အင်္ဂလိပ်စာဘာသာ အား သင်ကြားပေးစေလိုသည်။ သို့သော် သူတို့က သူတို့သင်ကြားနိုင်သည့်အတန်းအား တိတိကျကျပြော သည်။ ကျွန်တော်တို့ကို အလယ်တန်း အဆင့်မသင်ခိုင်းပါနဲ့၊ မူလတန်းအဆင့်သာပေးပါဟုလည်းကောင်း၊ သချာင်္သမားက သချာင်္သာသင်မည် ဟုလည်းကောင်း၊  ပြတ်ပြတ်သားသားပြောခြင်းဖြစ်သည်။ ထို့အတူ ဝိဇ္ဇာဘွဲ့ရလာသူများအား social study ခေါ် ကမ္ဘာသမိုင်း၊ ဘူမိပထဝီ၊ သဘာဝ ပတ်ဝန်းကျင် သိပ္ပံ၊ နိုင်ငံရေးသိပ္ပံ စသည့်ဘာသာရပ်များအား သင်ကြားပေး စေလိုသော်လည်း သူတို့က ကျွန်တော်တို့၊ ကျွန်မတို့ ပိုင်ပိုင်နိုင်နိုင်မတတ်ကျွမ်းသည့်အတွက် သင်ကြားမပေး နိုင်ပါဟု ရှင်းရှင်းလင်း လင်း ပြောကြား ကြသည်။

---------------------------------------------------------------------------------------------------------------------

စာရေးသူတို့၏ အမိမြန်မာပြည်ကြီးတွင်မူ ကျူရှင်ကောင်းကောင်းပေး၍ရသည့် အင်္ဂလိပ်စာနှင့် သချာင်္ဘာသာရပ်လုပွဲကြီးကျောင်းတိုင်းကျောင်းတိုင်း၌ ခြိမ့်ခြိမ့်သဲဆင်နွဲကြသည်မှာနှစ်ပေါင်း ၄ဝကျော်ချေ ပြီ။ အဖြေစုံစာအုပ်များအားကိုးနှင့် မြန်မာစာအဓိကနှင့်ပြီးသူကလည်း အင်္ဂလိပ်စာမသင်ရပါက သချာင်္ဘာသာသင်ခွင့်ရရေး အတွက် ကျောင်းအုပ်ဆရာမကြီးများအား မမချင်း မိုးမွှန်အောင်ခေါ်ကာ လက်ဆောင်ပဏ္ဏာများစွာဖြင့် ကန်ထရိုက်ဆွဲကြသည်။ ထို့အတူ ကိုယ်လေ့လာခဲ့သည့်ဘာသာရပ်နှင့် လားလားမှမသက်ဆိုင်သူများ အားလုံး ကပါ ဝင်ရောက်ကန်ထရိုက်ဆွဲကြသည်။ ထုံးစံအတိုင်း များများပေးနိုင်သူက ထိုဘာသာရပ်များအား သင်ကြား ခွင့်ရလေသည်။မြန်မာစာအဓိကနှင့်ဘွဲ့ရသူများက ရှုပဗေဒသင်လိုသင်၊ ရုက္ခဗေဒအဓိကနှင့် ကျောင်းပြီးသူ များက သမိုင်းသင်လိုသင်၊ သမိုင်းအဓိက ယူခဲ့သူများက ဇီဝဗေဒသင်လိုသင်နှင့်ဖြစ်နေသည်မှာ နှစ်ပေါင်းများစွာ ကြာချေပြီဖြစ်သည်။ အဖြေစုံစာအုပ် များအားကိုးနှင့် စာဖတ်တတ်လျှင် ဆရာဖြစ်ပြီဟုပင် ဆိုရချေမည်။

---------------------------------------------------------------------------------------------------------------------

မြန်မာပြည်ကြီး၏ တက္ကသိုလ်များမှလည်း နှစ်ပေါင်းများစွာ ယေဘူယျဆန်သည့် သင်ရိုးညွှန်းတမ်းများ အတိုင်း သင်ကြားပေးခဲ့သည့်အတွက်လည်းကောင်း၊ (၁၀) ရက်နှင့် အနီးကပ်သင်တန်းများပို့ချကာ အလွတ်ကျက်၊ ခိုးချ၊ လက်ဆာင်ပေး၊ မေးခွန်းဝယ်စေပြီး ဘွဲ့ရခဲ့သည့်ပညာရှင်များ မှိုလိုပေါက်လာ သည့်အတွက်လည်းကောင်း၊ သူမသိ ငါနားမလည်နှင့် ပုဂ္ဂိုလ်များစွာ စာသင်ခန်းအတွင်းသို့ ဆရာများ အဖြစ် ရောက်ရှိကုန်သည်။ ဆရာဆိုတာ အနန္တောအနန္တငါးပါးဂိုဏ်းဝင် မပြစ်မှားရဘူးဆိုသော ဗုဒ္ဓဘာသာဝင်တို့၏ အရိုးစွဲယုံကြည်မှုကြောင့် ဆရာဆရာမများက မည်သည့်အမှားများ သင်သင်စောဒကမတက်ရဲကြချေ။ ငါပြောသလိုလုပ်၊ ငါလုပ်သလိုမလုပ်နှင့် ဟူသောသြဝါဒ မပေးရုံတမယ်ကျန်တော့သည်။ ကျွန်တော်တို့ငယ်ငယ်က ဆရာဆရာမများသည် ဆရာအလုပ် ကို ဝါသနာကြီးမားသည့်အတွက် လုပ်ကိုင်နေခြင်းဖြစ်သော်လည်း ယနေ့ခေတ်၌ အလုပ်အကိုင်ရှားပါးသည့် အတွက်လည်းကောင်း၊ ရာထူးဂုဏ်သ်ိမ်ကြီးမားသူတို့က ၎င်းတို့၏ချစ်ဇနီးများအား ဂုဏ်သိက္ခာအလို့ငှာ ဆရာအလုပ်အား ဝင်ရောက်လုပ်ကိုင်စေသည့်အတွက်လည်းကောင်း၊ ကျောင်းဆရာလစာထက် သာလွန် များပြားလှသည့် ကျူရှင်လခအား မျှော်မှန်းကာ စီးပွားရေးအရ တွက်ချက်သူများ ဝင်ရောက်လာ သည့်အတွက် လည်းကောင်း၊ မြန်မာနိုင်ငံအတွင်းရှိ မြို့ကြီးပြကြီးနားတဝိုက်၌ ကျောင်းဆရာဆရာမများ အုံနှင့်ကျင်းနှင့် ထုနှင့်ထည်နှင့်ဖြစ်နေသည်။

---------------------------------------------------------------------------------------------------------------------

မြို့ကြီးများအား အနည်းငယ်ကျော်လိုက်သည်နှင့် ကျောင်းမည်ကာမတ္တများအား ‘ခွေးလှေးပျား တောနှံ့’ ပမာ တွေ့ရပေတော့မည်။ ဆရာကမလုံလောက်၊ ကျောင်းကလဲ ဒုတိယကမ္ဘာစစ်ဗုံးမှန်ပြီး ကျန်သကဲ့သို့ ခနော်နီ ခနော်နဲ့၊ ကြမ်းခင်းဆိုသည်မှာ ဂျိုနှင့်လားဟုပင်၊မိုးတွင်းဆိုလျှင် မိုးရေများက တစက်စက်နှင့် မဟုတ်၊ဝေါကနဲ စီးကျသည့် အပေါက်ဗရပျစ်နှင့်ခေါင်မိုးများ။ ထိုသို့သောကျောင်းများသို့ မြို့နယ် ပညာရေးမှူးအဆင့်ရောက် လာသည်ဆိုလျှင် ထိုပညာရေးမှူးသည် လမ်းမှားပြီးရောက်လာသည်ဟုပင် ဆိုချင်ပါသည်။ မြို့နယ်အဆင့် ကျော်၍ တိုင်းအဆင့်ရောက်လာဖို့ဆိုသည်မှာ ဖြစ်တောင့်ဖြစ်ခဲ၊ ကြုံတောင့် ကြံခဲဖြစ်သည်ကြောင့် ‘ရေထဲကငါး ကုန်းပေါ်တက်’ လာသည်ဟုသာ ပြောရပေမည်။ ရောက်ရောက် လာသမျှသော ပညာရေးတာဝန်ရှိ ဆိုသူများ အနေနှင့် လည်း မိမိတို့၏နယ်မြေများအား ကွင်းဆင်းလိုသော စိတ်ဆန္ဒများ ရှိကောင်းရှိမည် ဖြစ်သော် လည်း တိုင်းမှ၊ ဗဟိုမှ၊ မြို့နယ်အုပ်ချုပ်ရေးမှ၊ အထက်မှ၊ ထို့ထက် ကြီးသည့်အထက်မှ၊ ပို၍ပို၍ကြီးသောအထက်မှ၊ စာတတန်ဖြင့်သော်လည်းကောင်း၊ တယ်လီဖုံးလေးဖြင့်သော်လည်းကောင်း၊ အတောမသတ် ညွှန်ကြားချက်များ၊ တဲ့တဲ့ပြောရသော် ဒါလုပ်လိုက်စမ်း ဆိုသည့်ခိုင်းစေချက်များကြောင့် မလှုပ်နိုင်သူများလည်း ရှိနေမည်ဟုလည်း ယုံကြည်မိပါသည်။

---------------------------------------------------------------------------------------------------------------------

မြန်မာပြည်၌ အင်အားကြီးမားသည့် တပ်ဖွဲ့များစွာရှိသည်။ ကြည်းတပ်၊ရေတပ်၊လေတပ်ဆိုသောစစ်တပ်နှင့် ပြည်သူတို့၏အသက်အိုးအိမ်စည်းစိမ်ကာကွယ်ပေးရန်ဆိုသော(လက်တွေ့မဟုတ်ပါ) ပြည်သူ့ရဲတပ်ဖွဲ့ဟူ၍ နှစ်မျိုးရှိသည့်အပြင် လက်နက်မကိုင်သည့် ဧရာမတပ်ဖွဲ့ကြီးနှစ်ခုလည်းရှိလေသည်။ ယင်းမှာ စာရေးသူတို့အခေါ် yellow army ခေါ် နိုင်ငံတော်သံဃာမဟာနာယကအဖွဲ့ကြီးနှင့် ၅နှစ်သားအရွယ်မှစ၍ အသက်၂၂နှစ်အထိ တက်သစ်စ လူငယ်လူရွယ်များအားထိမ်းချုပ်ထားသည့် ပညာရေးအဖွဲ့ကြီးဖြစ်ပေသည်။ နိုင်ငံတော်အခမ်း အနားများ၌ အင်အားပြရန်ကျောင်းများက အသင့်ပြင်ထားရသည်။ ဆိုင်းဘုတ်တင်ပွဲ၊ လူကြီးအမည်ခံများ အားကြိုဆိုပွဲ၊ အခမ်းအနားဖွင့်လှစ်ပွဲ၊ သစ်ပင်စိုက်ပွဲ၊ ပွဲပေါင်းစုံတက်ရောက်ရန်ကန်ထရိုက်မယူပဲ ရနေသည့် အပြင် ထိုပွဲများအတွက် မနက်မိုးမလင်းမီမှထ၍ ညနေမိုးချုပ်သည်အထိ တပင်တပန်းသွားရောက် အားပေး ကြရသည်။ ထုံးသုတ်ရန်၊ကင်းစောင့်ရန်၊သစ်ပင်စိုက်ရန်၊အလှူခံရန် စသည်တို့သည်ကလည်း ဆရာဆရာမ များ တာဝန်များပင်ဖြစ်သည်။ ၂၄ နာရီမပြတ်တမ်း ဆရာဆရာမများနှင့် ကျောင်းသူကျောင်းသားများအား အလုပ် ပေးထားခြင်းဖြင့် တိုင်းပြည်အတွင်းဖြစ်ပျက်နေသမျှအား စိတ်မဝင်စားရလေအောင် ထိန်းချုပ် ထားသည်။ ထိုသို့ထိန်းချုပ်နိုင်ရန်အလို့ငှာလည်း ပညာရေးဌာန၏အဆင့်မြင့်ရာထူးနေရာများ၌ စစ်ဖက်ကိုသာ တာဝန် ပေးထားခြင်း ဖြစ်သည်။

---------------------------------------------------------------------------------------------------------------------

ပညာရေးလောကမှ ပြင်ပသို့ရောက်ပြန်သော်လည်း မည်မျှပင်အရည်အချင်းရှိရှိ အဆင့်မြင့်ရာထူးကြီး များသို့ တက်လှမ်းရန်ဆိုသည်မှာလည်း ယနေ့ထက်ထိတိုင် မဖြစ်နိုင်ချေ။ မကြာသေးခင်ကပင် ညွှန်ကြားရေးမှူးချုပ် (၅)ဦးနှင့် ပါမောက္ခချုပ်(၁)ဦးအား အငြိမ်းစားပေးလိုက်သည်ဟုကြားရသောအခါ စိတ်၌ကြေနပ်သလိုဖြစ်သွားသော်လည်း စသုံးလုံးမှဒုတိယညွှန်ကြားရေးမှူးချုပ်အား မန္တလေးရှိ ယဉ်ကျေးမှု တက္ကသိုလ် ဒုတိယပါမောက္ခချုပ် အဖြစ်ပြောင်းရွေ့ခန့်အပ်လိုက်ကြောင်းဖတ်လိုက်ရသောအခါ လွန်ခဲ့သောနှစ်နှစ်ဆယ်ခန့်အား ပြန်ပြောင်း သတိရမိသည်။ ရန်ကုန်တိုင်း၊တောင်ဒဂုံမြို့နယ်၌ ယဉ်ကျေးမှု တက္ကသိုလ်ကြီးစတင်ဖွင့်လှစ်သောအခါ တပ်မတော်မှတ်တမ်းရုံးမှ ဒုတပ်မှူးဗိုလ်မှူးမောင်မောင်ခိုင်နှင့် ဗိုလ်ကြီးများသည် ပါမောက္ခချုပ်နှင့်ဌာနမှူးများ အဖြစ် ပြောင်းရွေ့သွားသည့်အခါ စာရေးသူမှာ စိတ်မောသွားရသည်။ ချိုမိုင်မိုင်အဆင့်သာ ကတတ်သူများ၊ ဝါးလက်ခုတ်သာတီးတတ်သူများက ယဉ်ကျေးမှုတက္ကသိုလ်ကြီးအား မည်သို့မည်ပုံအုပ်ချုပ်လေမည်မသိတော့ ချေ။ အနုပညာရှင် ဆရာဆရာမ များ၊ အနုပညာပိုးပါလာသည့် ကျောင်းသူကျောင်းသားများ၏ရင်တွင်း ခံစားချက် နှင့်အပြုအမှု အပြောအဆိုများအပေါ် စစ်တပ်မှပုဂ္ဂိုလ်များမည်သို့နားလည်ပေမည်နည်း။ ယခုဒုတိယ ပါမောက္ခချုပ် အဖြစ်ပြောင်းရွေ့လိုက်ရသည့်ပုဂ္ဂိုလ်ကြီးသည် အနုပညာရှင်ဆိုပါက ထပ်မံစဉ်းစားမိသည်မှာ စသုံးလုံးတုန်းက သီချင်းတအေးအေးနှင့် စုံစမ်းထောက်လှမ်းနေသည်လားမသိတတ်တော့ချေ။ အကောက်ခွန်ဦးစီးဌာနဒုညွှန်ချုပ်အား ပညာရေးစီမံကိန်းနှင့်လေ့ကျင့်ရေးဦးစီးဌာန ဒုညွှန်ချုပ် အဖြစ် ပြောင်းရွေ့လိုက်ပြန် သည်ဆိုသောအခါ ပညာရေးဝန်ထမ်းများအား အခွန်ကောက်ခံရန် ကြည့်သည့် မျက်လုံးများဖြင့်ကြည့်ကာ သူ့အတွက် ဘယ်လောက်ကျန်မည်လဲဟု တွက်ချက်နေမည် မှာ သေချာသလောက်ရှိပေသည်။ ထို့ပြင် ပညာရေးစီမံကိန်းနှင့်ပတ်သက်၍လည်း သူ့အတွက် ကိုက်မည့်စီမံကိန်းများကိုသာ အတည်ပြုမည်မှာ မြေကြီး လက်ခတ်မလွဲပင်ဖြစ်သည်။ နယ်စပ်ကုန်သွယ်ရေး ၌ အရိုးပါမကျန်ဝါးစားတတ်သည့် ညွှန်မှူးကြီးများအား သမဝါယမ၊နယ်စပ်ရေးရာ၊ အလုပ်သမား၊ လူမှုဖူလုံရေးနှင့်ယဉ်ကျေးမှုဌာနများသို့ ပြောင်းရွေ့လိုက်သည် ဟုဆိုသောအခါ ယင်းဌာနများရှိ ဝန်ထမ်း များအနေနှင့် မိုးကြိုးပစ်သလို ခံစားကြရပေအုန်းမည်။ ဌာနအတွင်း၌ စားစရာဝါးစရာမရှိသည့်အခါ အနေမတတ်သည့်ဝန်ထမ်းများ အစားမခံရစေရေး ဘုရားထံပါး၌ ဆုတောင်း ရန်သာရှိပေသည်။

---------------------------------------------------------------------------------------------------------------------

စာရေးသူ ငယ်စဉ်က ကြိုက်နှစ်သက်သည့်အစားအစာများ၌ အသုပ်စုံသည်လည်း အပါအဝင်ဖြစ်သည်။ အများအားဖြင့်မူ ခေါက်ဆွဲသက်သက်သုပ်သည့်ခေါက်ဆွဲသုပ်၊ မုန့်ဟင်းခါးဖတ်သက်သက်သုပ်သည့် မုန့်ဖတ်သုပ်၊မုန့်တီသုပ်၊ထမင်းသုပ်၊ကြာဆန်သုပ်များကိုကြိုက်နှစ်သက်ကြသည်။ မုန့်ဟင်းခါးဖတ်နဲနဲ၊ ခေါက်ဆွဲ ဖတ်နဲနဲ၊ ကြာဆန်ဖတ်ပါလေကာ၊ အာလူးပြုတ် တစ်လုံးနှ စ်လုံး၊ ဂေါ်ဖီ ဖတ်အနည်းငယ်၊ လှီးထားသည့် ကြက်သွန်နီအနည်းငယ်၊ အချဉ်ရည်နှင့် နယ်ထားသည့် ထမင်းနဲနဲအား ပဲမှုန်ွှ၊ဆီချက်၊ငံပြာရည်၊ အချိုမှုန့်ဖြူးပြီး စားရသည့်ထမင်းသုပ်အား မည်သူကြိုက်ကြိုက်မကြိုက်ကြိုက် စာရေးသူကြိုက်နှစ်သက်လှပါသည်။ အထူး သဖြင့် ယင်းအစားအစာအား ယင်တလောင်းလောင်း ဖုံတထောင်းထောင်းထနေသည့် ဘုရားပွဲများ၌ စားရလေ့ ရှိသည်။ အတူပါလာသူများ က နှာခေါင်းရှုံ့ သော်လည်း စာရေးသူကမက်မက်စက်စက် စားလေ့ရှိသည်။ ဈေးသည်က သူ၏အသုပ်စှုံဗန်းအား ပိတ်ဖြူပါးပါးဖြင့် ဖုံးအုပ်ထားသည့်အတွက် ယင်ကောင်ဘေးမှ ကင်းဝေးသော်လည်း ဖုံဘေး ကတော့ ပြေးမလွတ်ချေ။ မည်သို့ပင်ဆိုစေ စားသူများကတော့ စာရေးသူ အပါအဝင် အောက်ခြေ လူတန်းစားများသာ ဖြစ်ပေသည်။

နိုင်ငံတကာပညာရေးသည် specialization ခေါ် အတတ်ပညာတစ်ခုအား အဓိကဦးတည်သင်ကြားပေးပြီး ၎င်းနှင့်ဆက်စပ်နေသည့်ဘာသာရပ်များအား ဝန်းရံသင်ကြားပေးခြင်းဖြစ်သည်။ခေတ်နှင့်အညီသင်ရိုး ညွှန်းတမ်း များအား အခါမလပ်ပြုပြင်ရေးဆွဲလေ့ရှိသလို ဖြည့်စွက်သင့်သည့်သင်ခန်းစာများအားလည်း အမြဲတစေ ဖြည့်စွက်နေပေသည်။ မြန်မာပြည်၏ပညာရေးသည်ကား generalization ခေါ် ယေဘူယျပြု ကာ ဟိုနဲနဲဒီနဲနဲ စုပေါင်းစပ်ပေါင်း သင်ကြားပေးနေခြင်းဖြစ်ပေသည်။ အခြေခံပညာရေး၌ မသိသာသော်လည်း အထက်တန်း အဆင့်ဖြစ်သည့်၉တန်းနှင့် ၁၀တန်းတွင် သင်ခန်းစာများပြွတ်သိပ် ကျပ်ညှပ်ကာထည့်သွင်းထားသည်မှာ အသုပ်စုံ ကဲ့သို့ဖြစ်နေသည်။ ထိုနည်းတူ တက္ကသိုလ် သင်ခန်းစာများ၌လည်း ရူပဗေဒအထူးပြုဘာသာရပ်ဆိုပါက ရှိရှိသမျှသော ဘာသာရပ်ခွဲများ ထည့်သွင်းထားသလို ကျန်ဘာသာရပ်များတွင်လည်း ထိုနည်းတူဖြစ်နေ ပေသည်။မကြာသေးခင်ကမှ အထူးပြုဘာသာရပ်များအားတိုးချဲ့ခဲ့လေသည်။ ထိုသို့ပြွတ်သိပ်ကျပ်ညပ်နေသည့် ဘာသာရပ်ပါပြဌာန်း ချက်များအား ပြုပြင်သည်မှာ အလွန်တရာ ရှားပါးသကဲ့သို့ ဖြည့်စွက်ခြင်းဆိုသည်မှာလည်း မရှိသလောက် ပင်ဖြစ်နေသည်။ စာရေးသူ၏မျက်စိထဲ၌ ဘုရားပွဲတွင်ရောင်းချသည့် အသုပ်စုံဗန်းများ အား မြင်ယောင်မိလေသည်။ ပညာရေး၌ အသုပ်စုံဖြစ်နေသကဲ့သို့ လုပ်ငန်းခွင်အတွင်း၌လည်း အသုပ်စုံ များဖြစ် နေသည်။အဆင့်မြင့်ရာထူးကြီးများအား တော်လွန်းသည့်အတွက်(အမျိုးတော်သည်ကိုဆိုလိုပါသည်) အလုပ်မှ အနားမပေးရဲသောအခါ အောက်ဆိုက်ကောင်းကောင်းမရသည့်ဌာနများသို့ ပြောင်းရွေ့ပစ်သည့်ယဉ်ကျေးမှု သည်လည်း အသုပ်စုံပညာရေး၏နောက်ဆက်တွဲအကျိုးဆက်ပင်ဖြစ်ပေသည်။ စစ်တက္ကသိုလ်မှဆင်းလာသူ များသည် မည်သည့်ဌာနတွင်မဆိုအဆင့်မြင့်ရာထူးကြီးများနှင့်သင့်လျော်သည်ဟုဆိုကာ ခန့်အပ်ခြင်းသည် လည်း တနည်းအားဖြင့် အသုပ်စုံဈေးသည်များပေါများလာခြင်းပင်ဖြစ်သည်။ ပွင့်ပွင့်လင်းလင်းဆိုရသော် ‘အသုပ်စုံပညာရေးမှသည် အသုပ်စုံယဉ်ကျေးမှုသို့’ ကူးပြောင်းနေခြင်းဖြစ်ပေသည်။ ထိုယဉ်ကျေးမှုသည် ယနေ့ထက်ထိတိုင် ထွန်းကားနေခြင်းမှာ မြန်မာပြည်သူပြည်သားများလိုလားနေသည့် ဒီမိုကရေစီနှင့် အဝေး ကြီး ဝေးနေအုန်းမည့် သင်္ကေတပင်ဖြစ်ပေတော့သည်။

(စာကြွင်း- အသုပ်စုံပညာရေးနှင့်အသုပ်စုံယဉ်ကျေးမှုဟု ယုံကြည်သည့်အချိန်မှစ၍ စာရေးသူ အသုပ်စုံ မစားတော့ချေ)

သန့်စင်အောင်(ရန်ကင်း)

၀၇.၀၄.၂၀၁၃