သားကိုကျောင်းထားခြင်း

ကျွန်တော်တို့ရွာက မိန်းကလေးတစ်ယောက် ဆယ်တန်းမှာ (၆) ဘာသာဂုဏ်ထူးနဲ့ အောင်ပါတယ်။ ဆင်းရဲတဲ့ (၆) ဘာသာဂုဏ်ထူးရတဲ့ မိန်းကလေး ဘယ်လိုင်းကို လိုက်သင့်သလဲ။ ဆရာဝန်လိုင်းကို လိုက်သင့်တယ်လို့ ကျောင်းအုပ်ဆရာမကြီးကရော၊ ဆရာ၊ ဆရာမများနဲ့ ရွာသူရွာသားတွေကပါ ပြော ကြတယ်။
ကျွန်တော်က ကွန်ပျူတာ ပညာရှင်လုပ်ပါလားလို့ အကြံပေးတယ်။ 'ဆရာဝန်လုပ်ဖို့ ဝါသနာ ရှိ၊ မရှိ စဉ်းစားပါဦးလားလို့' ပြောမိတယ်။ ဆရာဝန်ဖြစ်ဖို့ အလုပ်သင်ဆရာဝန် အပါအဝင်ဆိုရင် ရှစ်နှစ်၊ ဉာဏ်ကောင်းလို့ စပါယ်ရှယ်လစ်လုပ်နိုင်ဖို့ နောက်ထပ် ငါးနှစ်။ (၁) စာအုပ်ဖိုး၊ (၂) အချိန်အကြာကြီး၊ (၃) ကိုယ့်မိဘကလည်း ဆင်းရဲ။ ဉာဏ်ကောင်းသော ကွန်ပျူတာပညာရှင်ဆိုရင် ခြောက်နှစ်ကြာတဲ့ အခါ အလုပ်ကလေး သေချာပေါက်ရနိုင်တယ်။ အဲဒါက အနာဂတ်မှာ လိုအပ်တဲ့ အလုပ်အမျိုးအစားပါ။ အခုလည်း ကွန်ပျူတာသမားတွေ အလုပ်ရကြပါတယ်။ အဲဒီမိန်းကလေးက ဘာကို ရွေးတယ်ထင်ပါ သလဲ။ သူလဲ ဆရာဝန်ပါပဲ။
ပညာနဲ့ သညာကို စဉ်းစားမိပါတယ်။ ကျွန်တော် ငယ်ငယ်က ဖတ်ရတဲ့ ဒေါက်တာမောင်ဖြူးရဲ့ ကဗျာကို သတိရပါတယ်။ အဲဒီကဗျာလေးကို အများဆင်ခြင်ဖို့ တင်ပြပါတယ်။
ပညာနှင့်သညာ
မတူ ရာမလေ…..။
တစ်ခါတစ်ရံ၊
အဆက်အစပ်ပင် မရှိချေ။
သညာရှိဟာ၊ တစ်ပါးသူ့စိတ်ကူး
အငှားအဝတ်ဖြင့်၊ ကြွားဝါရွှင်မြူး……။
ပညာကား၊
မိမိရဲ့ပစ္စည်း……ထာဝစဉ်
ပိုင်းခြားသိမြင် စွမ်းနိုင်တော့အင်……။
ကုန်ကြမ်းသက်သက် သညာကို
ပညာယက္ကန်းမှာ၊ တင်ယက်ဖို့လို…..။
ကျောင်းသင်တန်းက အဓိပ္ပာယ်ယတ္တ (Meaning)၊ လျော်မလျော် (Relevance)၊ ကျိုးကြောင်း အဆက်အစပ် ရှိ၊ မရှိ (Significance)၊ စတာတွေကို သိအောင်လုပ်ပေးနိုင်မှ ကောင်းပါတယ်။ အရိုး အထူးကု ဆရာဝန်ကြီးတစ်ယောက်က သူပညာသင်ပေးရတဲ့ ကျောင်းသားတွေကို (We train dogs & we educate man) 'ကျွန်တော်တို့က လူတွေကို ပညာသင်ပေးပြီး တိရစ္ဆာန်တွေကိုတော့ လေ့ကျင့် ပေးသည်' လို့ပြောတယ်။ ထပ်ခါတလဲလဲ လေ့ကျင့်ပြီး အဲဒီပုံသေအလုပ်ကို ပြန်အလုပ်ခိုင်းတာဟာ ပညာသင်တာ မဟုတ်ပါ။
ကျောင်းသင်ပညာနဲ့ အခုခေတ်က လိုအပ်တဲ့ ကျွမ်းကျင်မှုဟာ အဆက်အစပ် သိပ်မရှိဘူးလို့ အရှေ့ ဖျားစီးပွားရေး ဂျာနယ်ထဲက ဆောင်းပါးတစ်ခု (Wanted: Brain Power) မှာ ရေးထားပါတယ်။ အထူး သဖြင့် ဝန်ဆောင်မှုလုပ်ငန်းတွေမှာ လိုအပ်တဲ့ 'သွက်သွက်လက်လက် ဖျတ်ဖျတ်လတ်လတ်ရှိမှု၊ လိုက် လျောညီထွေပြောတတ်မှု၊ ဖောက်သည်ကို ပြုံးပြုံးချိုချို ဆက်ဆံတတ်မှု' ဒါတွေကို သင်ရိုးညွှန်းတမ်းထဲ မှာ ထည့်မထားဘူးဗျလို့ ဝေဖန်တာတွေလည်း ရှိတယ်။
အာရှကျောင်းသားတွေ အမေရိကန်ကိုလာပြီး ပညာသင်တဲ့အခါ အများစုက စီးပွားရေးနဲ့ စီမံခန့်ခွဲမှု ပညာ သင်ကြပြီးနောက်ထပ် လူကြိုက်များတာက အင်ဂျင်နီယာ၊ သိပ္ပံနဲ့ သင်္ချာဘာသာရပ်တွေ ဖြစ် တယ်လို့ နယူး(စ်)ဝိ(ခ်)မှာ ရေးထားပါတယ်။ လီကွမ်းယူက 'သူသာပြန်ငယ်ခွင့်ရရင်' ဆိုပြီး စင်္ကာပူက တက္ကသိုလ်ကျောင်းသားတွေကို မိန့်ခွန်းဟောပြောတဲ့အခါ 'သူသာဆိုရင် အင်ဂျင်နီယာလုပ်မှာ' လို့ ပြောပါတယ်။
'မြတ်သန့်ထွန်း' အရွယ်လေးရောက်တော့ ကျောင်းထားဖို့ စဉ်းစားရပါတယ်။ ဘယ်ကျောင်းမှာ ထားရ ပါ့မလဲ။ မြတ်သန့်ထွန်းက ကျွန်တော့်သား အကြီးကောင်ပါ။ ဒေါက်တာမောင်ဖြူးစာကလည်း ကျွန်တော့်ကို တော်တော်နှိပ်စက်ပါတယ်။ ကိုယ့်သားကြီးကို 'ပိုင်းခြားသိမြင်စေချင်တာ၊ အဓိပ္ပာယ် ယတ္တ သိစေချင်တာ၊ ရွေးတတ်စေချင်တာ'။ အလွတ်မကျက်စေချင်ဘူး။ မေ့သွားမယ့်ဟာတွေ၊ ဗဟု သုတက သတင်းခေတ်မှာ ပေါနေပြီ။ (Knowledge is cheap)။ သတင်းအချက်အလက် အလျှံပယ် (Information deluge)။ ရွေးတတ်မှ ဖြစ်တယ်။
စဉ်းစားစရာ အများကြီးပါခင်ဗျာ။ 'ကစားချိန်မှာ ကစား၊ နားချိန်မှာ နား၊ ဒါမှ ပျော်ရွှင်မှာ' လို့ ကျွန်တော်တို့ ငယ်ငယ်က အော်ဆိုခဲ့ရပါတယ်။ ကျွန်တော် ငယ်ငယ်က ရွာကျောင်းမှာ ပညာသင်ရတဲ့ အခါ 'မောင်ဖိုးတာ မြန်မာမှာ လက်ယာဘက်က မင်္ဂလာကွဲ့၊ ဝလုံးရေးရင်တောင် ညာဘက်က စရ တယ်။ ပုဒ်မ၊ ပုဒ်ထီးချတာ၊ စည်းကမ်းကိုသိအောင် လေ့ကျင့်ရတာကွယ့်' စသည်ဖြင့် ကျွန်တော့်ဆရာ ကြီးက ပြောပါတယ်။ သူက တမာပင်တန်းအောက် ခေါ်သွားပြီး စာသင်ပါတယ်။ (ရှန်တိနိကေတန် တို့ကို အသက်အတော်ကြီးမှ ဖတ်ရပါတယ်) ကျောင်းစာကြည့်တိုက်က စာအုပ်ဗီရိုလေးထဲမှာ အောက် စဖို့ဒ်တက္ကသိုလ် ပုံနှိပ်တိုက်ကထုတ်တဲ့ (Retold stories) တွေ ဖတ်ရပါတယ်။
ကျွန်တော့်သား ကစားနေရင် ကျွန်တော်ပျော်ပါတယ်။ ကစားတာဟာ ပညာသင်နေတာလို့ ကျွန်တော် တွေးမိတယ်။ တေဇတွေ၊ ကာတွန်းတွေ ဖတ်နေရင် ကျွန်တော်သဘောကျနေတယ်။ Nippers ရုပ်ပုံ တွေပါတဲ့ အင်္ဂလိပ်စာအုပ်လေးတွေ လမ်းဘေးကတွေ့ရင် ကျွန်တော် ဝယ်လာတယ်။ နည်းနည်းကြီး ရင် Ladder စာအုပ်တွေ အဖတ်ခိုင်းမယ်ဆိုပြီး ကျွန်တော်စုထားတယ်။ စာအုပ်တွေအများကြီးနဲ့ လွယ်အိတ်ကြီးလွယ်ပြန်လာတဲ့ သားကိုတွေ့ရင်တော့ ကျွန်တော့် စိတ်မှာ ကသိကအောက် ဖြစ်တယ်။ ကျွန်တော့်သား ရှစ်နှစ်ပဲ ရှိသေးတယ်။ ကျောင်းက အချိန်ပိုသင်တော့ သူမသွားချင်ဘူးဆိုတော့ 'အေး-အေး' ဆိုပြီး ကျွန်တော် သူမသွားတာကို သဘောတူလိုက်တယ်။ သားဟာ မအိပ်ခင်မှာ သူဖတ်ချင်တဲ့ စာတွေကို ဖတ်ဖတ်နေတယ်။ ပထမအစမ်းမှာတော့ အဆင့် (၃၀) ရတော့ ကိစ္စမရှိပါဘူးလို့ ကျွန်တော် က အားပေးလိုက်ပါတယ်။ ကျွန်တော့်နည်းလမ်းဟာ မှန်မှာပါပဲလို့ အတော်ကြိုးစားပြီး ဘဝင်ကျရပါ တယ်။ စာတွေ အတင်းလိုက်မှတ်ပြီး (Memorize) ပြန်အံမထုတ်လို့၊ သူတို့သတ်မှတ်တဲ့ အဆင့်မှာ နိမ့်တော့လည်း ဘာဖြစ်သလဲလို့ ဖအေကြီးအားတင်းပါတယ်။ ဘာသာစကားနဲ့ သင်္ချာတော်ရင် ကျေနပ်ပါပြီဆိုပြီး ကျွန်တော့်ညီရဲ့သူငယ်ချင်း ဒေါက်တာဘွဲ့ရ သင်္ချာဆရာ တစ်ယောက်ကို သင်္ချာ သင်ပေးပါပြောတော့ ကလေးတွေသင်ရတာ ခက်တယ်ဗျလို့ ပြောပါတယ်။ ကျွန်တော့်သား ဘောလုံး ကန်တယ်။ စန္ဒရားသင်ပါတယ်။ စာဖတ်ဝါသနာပါနေပြီ။ ကလေးရဲ့ အိမ်အခြေအနေ (Home enviro-nment) ကောင်းအောင်တော့ ကျွန်တော်ဂရုတစိုက် ကြိုးစားပါတယ်။
ပညာသင်ကြားခြင်းဟာ အမြတ်အများဆုံးရတဲ့ ရင်းနှီးမြှုပ်နှံမှု (Education the most profitable inv-estment) လို့ ပြောကြပါတယ်။ အချိန်တွေ၊ ငွေတွေ၊ ပင်ပမ်းမှုတွေ ရင်းနှီးကြရတယ်။ ရင်းနှီးသ လောက် ရချင်ပါတယ်။ ပေါ့ပေါ့ပါးပါး လွတ်လွတ်လပ်လပ် ပျော်ပျော်ရွှင်ရွှင် ရှိပါမှ ဖန်တီးတီထွင်တတ် တဲ့ ကလေးတွေဖြစ်မယ်လို့ ထင်ပါတယ်။ တီထွင်ဉာဏ်ဟာ မှတ်ဉာဏ်ဗဟုသုတထက် ပိုအရေးကြီး တယ်လို့ လက်ခံကြပါတယ်။ အခြေခံအကျဆုံး၊ အရေးကြီးဆုံးဖြစ်တဲ့ ဖတ်ခြင်း၊ ဂဏန်းသင်္ချာ၊ ပြဿနာဖြေရှင်းခြင်း၊ နားထောင်ခြင်းတို့ကို ပျော်ပျော်ရွှင်ရွှင် ဖြစ်တာနဲ့ ပေါင်းစပ်ပေးချင်ပါတယ်။ ကျွန်တော်ဟာ သာမန်မိဘသာ ဖြစ်ပါတယ်။ ကျွန်တော်တွေ့ရတဲ့ ပြဿနာ ခင်ဗျားတို့လည်း ကျွန်တော့်လို တွေ့ကြရမှာပါပဲ။ (၁) ဘယ်ကျောင်းမှာ ထားမလဲ၊ (၂) ဘယ်လိုထားမလဲ၊ (၃) တိုင်းပြည်က လိုအပ်တဲ့ အနာဂတ်အခြေအနေက လိုအပ်တဲ့ပညာရပ်မျိုးနဲ့ ကိုက်ညီအောင် ဘာကိုရွေး မလဲ။ ကျွန်တော်စဉ်းစားတာ၊ ကျွန်တော် လုပ်ဆောင်တာကို 'သင့်ဘဝ' ကတစ်ဆင့် တင်ပြပါတယ်။ ဆွေးနွေးပေးကြပါ ခင်ဗျား။ အိပ်မက်လည်း မက်တတ်ပြီး လက်တွေ့လည်းဆန်တဲ့ (Idealist- Pragmatist) တွေရဲ့ စကားတွေကို ကြားချင်ဖတ်ချင်လှပါတယ်။
ဖြန့်ထွက်တွေးခြင်းနှင့် အခြားစာတမ်းများ
ကိုတာ
သင့်ဘဝ၊ ဇွန်၊ ၁၉၉၅